Study Desk

Bihold thou myn enemyes, for thei ben multiplied; and thei haten me bi wickid hatrede.

Kepe thou my soule, and delyuere thou me; be Y not aschamed, for Y hopide in thee.

Innocent men and riytful cleuyden to me; for Y suffride thee.

For whi thi merci is bifor myn iyen; and Y pleside in thi treuthe.

The title of the sixe and twentithe salm. To Dauid. The Lord is my liytnyng, and myn helthe; whom schal Y drede? The Lord is defendere of my lijf; for whom schal Y tremble?

The while noiful men neiyen on me; for to ete my fleischis. Myn enemyes, that trobliden me; thei weren maad sijk and felden doun.

For he hidde me in his tabernacle in the dai of yuelis; he defendide me in the hid place of his tabernacle.

For my fadir and my modir han forsake me; but the Lord hath take me.

Lord, sette thou a lawe to me in thi weie; and dresse thou me in thi path for myn enemyes.

Bitake thou not me in to the soules of hem, that troblen me; for wickid witnessis han rise ayens me, and wickydnesse liede to it silf.

For thei vndurstoden not the werkis of the Lord, and bi the werkis of hise hondis thou schalt destrie hem; and thou schalt not bilde hem.

Blissid be the Lord; for he herde the vois of my bisechyng.

The title of the nyne and twentithe salm. The salm of song, for the halewyng of the hows of Dauid. Lord, Y schal enhaunse thee, for thou hast vp take me; and thou delitidist not myn enemyes on me.

For ire is in his indignacioun; and lijf is in his wille. Wepyng schal dwelle at euentid; and gladnesse at the morewtid.

For thou art my strengthe and my refuyt; and for thi name thou schalt lede me forth, and schalt nurische me.

Thou schalt lede me out of the snare, which thei hidden to me; for thou art my defendere.

Forsothe Y hopide in the Lord; Y schal haue fulli ioie, and schal be glad in thi merci. For thou byheldist my mekenesse; thou sauedist my lijf fro nedis.

Lord, haue thou merci on me, for Y am troblid; myn iye is troblid in ire, my soule and my wombe `ben troblid.

For whi my lijf failide in sorewe; and my yeeris in weilynges. Mi vertu is maad feble in pouert; and my boonys ben disturblid.

for Y herde dispisyng of many men dwellynge in cumpas. In that thing the while thei camen togidere ayens me; thei counceliden to take my lijf.