Study Desk

And he seide to hem, Yue ye to hem to ete. And thei seiden, Ther ben not to vs mo than fyue looues and twei fischis, but perauenture that we go, and bie meetis to al this puple.

And he seide to hem, But who seien ye that Y am? Symount Petir answeride, and seide, The Crist of God.

But while he spak these thingis, a cloude was maad, and ouerschadewide hem; and thei dredden, whanne thei entriden in to the cloude.

But it was doon in the dai suynge, whanne thei camen doun of the hil, myche puple mette hem.

But a thouyt entride in to hem, who of hem schulde be grettest.

for mannus sone cam not to leese mennus soulis, but to saue. And thei wenten in to another castel.

And Jhesus seide to hym, Foxis han dennes, and briddis of the eir han nestis, but mannus sone hath not where he reste his heed.

And Jhesus seide to hym, Suffre that deede men birie hir deede men; but go thou, and telle the kyngdom of God.

And another seide, Lord, Y schal sue thee, but first suffre me to leeue `alle thingis that ben at hoom.

And if a sone of pees be there, youre pees schal reste on hym; but if noon, it schal turne ayen to you.

Netheles nyle ye ioye on this thing, that spiritis ben suget to you; but ioye ye, that youre names ben writun in heuenes.

Alle thingis ben youun to me of my fadir, and no man woot, who is the sone, but the fadir; and who is the fadir, but the sone, and to whom the sone wole schewe.

But he willynge to iustifie hym silf, seide to Jhesu, And who is my neiybore?

But a Samaritan, goynge the weie, cam bisidis hym; and he siy hym, and hadde reuthe on hym;

But Martha bisiede aboute the ofte seruyce. And sche stood, and seide, Lord, takist thou no kepe, that my sistir hath left me aloone to serue? therfor seie thou to hir, that sche helpe me.

but o thing is necessarie. Marie hath chosun the best part, which schal not be takun awei fro hir.

But if Y caste out fendis in the fyngir of God, thanne the rewme of God is comun among you.

But if a stronger than he come vpon hym, and ouercome hym, he schal take awei al his armere, in which he tristide, and schal dele abrood his robries.

And he seide, But yhe blessid be thei, that heren the word of God, and kepen it.

And whanne the puple runnen togidere, he bigan to seie, This generacioun is a weiward generacioun; it sekith a token, and a tokene schal not be youun to it, but the tokene of Jonas, the profete.