Study Desk

Therfor Y boundun for the Lord biseche you, that ye walke worthili in the clepyng,

for which thing he seith, He stiynge an hiy, ledde caitifte caitif, he yaf yiftis to men.

that han vndurstondyng derkned with derknessis, and ben alienyd fro the lijf of God, bi ignoraunce that is in hem, for the blyndenesse of her herte.

For which thing `ye putte awei leesyng, and speke ye treuthe ech man with his neiybore, for we ben membris ech to othere.

and walke ye in loue, as Crist louyde vs, and yaf hym silf for vs an offryng and a sacrifice to God, in to the odour of swetnesse.

For wite ye this, and vndurstonde, that ech letchour, or vnclene man, or coueytouse, that serueth to mawmetis, hath not eritage in the kingdom of Crist and of God.

No man disseyue you bi veyn wordis; for whi for these thingis the wraththe of God cam on the sones of vnbileue.

For ye weren sum tyme derknessis, but now `ye ben liyt in the Lord. Walke ye as the sones of liyt.

For the fruyt of liyt is in al goodnesse, and riytwisnesse, and treuthe.

For what thingis ben don of hem in priuy, it is foule, yhe, to speke.

And alle thingis that ben repreuyd of the liyt, ben opynli schewid; for al thing that is schewid, is liyt.

For which thing he seith, Rise thou that slepist, and rise vp fro deth, and Crist schal liytne thee.

not as vnwise men, but as wise men, ayenbiynge tyme, for the daies ben yuele.

euermore doynge thankingis for alle thingis in the name of oure Lord Jhesu Crist to God and to the fadir.

as to the Lord, for the man is heed of the wymman, as Crist is heed of the chirche; he is sauyour of his bodi.

Men, loue ye youre wyues, as Crist louyde the chirche, and yaf hym silf for it, to make it holi;

for no man hatide euere his owne fleisch, but nurischith and fostrith it, as Crist doith the chirche.

For this thing a man schal forsake his fadir and modir, and he schal drawe to his wijf; and thei schulen be tweyne in o fleisch.

Sones, obeische ye to youre fadir and modir, in the Lord; for this thing is riytful.

For whi stryuyng is not to vs ayens fleisch and blood, but ayens princis and potestatis, ayens gouernours of the world of these derknessis, ayens spiritual thingis of wickidnesse, in heuenli thingis.