Study Desk

Is thanne the lawe ayens the biheestis of God? God forbede. For if the lawe were youun, that myyte quikene, verili were riytfulnesse of lawe.

For alle ye ben the children of God thoruy the bileue of Jhesu Crist.

For alle ye that ben baptisid, ben clothid with Crist.

Ther is no Jewe, ne Greke, ne bond man, ne fre man, ne male, ne female; for alle ye ben oon in `Jhesu Crist.

And for ye ben Goddis sones, God sente his spirit in to youre hertis, criynge, Abba, fadir.

Be ye as Y, for Y am as ye. Britheren, Y biseche you, ye han hurt me no thing.

Where thanne is youre blessyng? For Y bere you witnesse, that if it myyte haue be don. ye wolden haue put out youre iyen, and haue yyuen hem to me.

and Y wolde now be at you, and chaunge my vois, for Y am confoundid among you.

For it is writun, that Abraham hadde two sones, oon of a seruaunt, and oon of a fre womman.

The whiche thingis ben seid bi an othir vndirstonding. For these ben two testamentis; oon in the hille of Synai, gendringe in to seruage, which is Agar.

For Syna is an hille that is in Arabie, which hille is ioyned to it that is now Jerusalem, and seruith with hir children.

For it is writun, Be glad, thou bareyn, that berist not; breke out and crye, that bringist forth no children; for many sones ben of hir that is left of hir hosebonde, more than of hir that hath an hosebonde.

For, britheren, we ben sones of biheeste aftir Isaac;

But what seith the scripture? Caste out the seruaunt and hir sone, for the sone of the seruaunt schal not be eir with the sone of the fre wijf.

For we thoruy the spirit of bileue abiden the hope of riytfulnesse.

For in Jhesu Crist nether circumcisioun is ony thing worth, nether prepucie, but the bileue that worchith bi charite.

Consente ye to no man; for this counsel ys not of hym that hath clepid you.

For, britheren, ye ben clepid in to fredom; oneli yyue ye not fredom in to occasioun of fleisch, but bi charite of spirit serue ye togidere.

For euery lawe is fulfillid in o word, Thou schalt loue thi neiybore as thi silf.

For the fleisch coueitith ayens the spirit, and the spirit ayen the fleisch; for these ben aduersaries togidere, that ye don not alle thingis that ye wolen.