Study Desk

Wo to you, scribis and Farisees, ipocritis, that eten the housis of widowis, and preien bi longe preier; for this thing ye schulen take more doom.

Ye foolis and blynde, for what is grettere, the gold, or the temple that halewith the gold?

Blynde men, for what is more, the yifte, or the auter that halewith the yifte?

For many schulen come in my name, and schulen seie, Y am Crist; and thei schulen disseyue manye.

For ye schulen here batels, and opyniouns of batels; se ye that ye be not disturblid; for it byhoueth these thingis to be don, but not yit is the ende.

Thanne men schulen bitake you in to tribulacion, and schulen sle you, and ye schulen be in hate to alle folk for my name.

And for wickidnesse schal `be plenteuouse, the charite of manye schal wexe coold;

For thanne schal be greet tribulacioun, what maner `was not fro the bigynnyng of the world to now, nether schal be maad.

And but tho daies hadden be abreggide, ech flesch schulde not be maad saaf; but tho daies schulen be maad schort, for the chosun men.

For false Cristis and false prophetis schulen rise, and thei schulen yyue grete tokenes and wondrys; so that also the chosun be led in to erroure, if it may be done.

For as leit goith out fro the eest, and apperith in to the weste, so schal be also the coming of mannus sone.

Treuli Y seie to you, for this generacioun schal not passe, til alle thingis be don;

For as in the daies bifore the greet flood, thei weren etynge and drynkynge, weddynge and takynge to weddyng, to that dai, that Noe entride in to the schippe;

Therfor wake ye, for ye witen not in what our the Lord schal come.

And therfor be ye redi, for in what our ye gessen not, mannus sone schal come.

Treuli Y seye to you, for on alle his goodis he schal ordeyne hym.

And the foolis seiden to the wise, Yyue ye to vs of youre oile, for oure laumpis ben quenchid.

And while thei wenten for to bie, the spouse cam; and tho that weren redi, entreden with him to the weddyngis; and the yate was schit.

Therfor wake ye, for ye witen not the dai ne the our.

For as a man that goith in pilgrimage, clepide hise seruauntis, and bitook to hem hise goodis;