Study Desk

Take thou that that is thin, and go; for Y wole yyue to this laste man, as to thee.

Whether it is not leueful to me to do that that Y wole? Whether thin iye is wickid, for Y am good?

So the laste schulen be the firste, and the firste the laste; `for many ben clepid, but fewe ben chosun.

And thei schulen bitake hym to hethene men, for to be scorned, and scourgid, and crucified; and the thridde day he schal rise ayen to lijf.

As mannus sone cam not to be seruyd, but to serue, and to yyue his lijf redempcioun for manye.

seiynge, If we seien of heuene, he schal seie to vs, Whi thanne bileuen ye not to hym? If we seien of men, we dreden the puple, for alle hadden Joon as a prophete.

Who of the tweyne dide the fadris wille? Thei seien to hym, The firste. Jhesus seith to hem, Treuli Y seie to you, for pupplicans and hooris schulen go bifor you `in to the kyngdom of God.

For Joon cam to you in the weie of riytwisnesse, and ye bileueden not to him; but pupplicans and hooris bileueden to hym. But ye sayn, and hadden no forthenkyng aftir, that ye bileueden to hym.

And thei souyten to holde hym, but thei dredden the puple, for thei hadden hym as a prophete.

And he sente hise seruauntis for to clepe men that weren bode to the weddyngis, and thei wolden not come.

For many ben clepid, but fewe ben chosun.

And thei senden to hym her disciplis, with Erodians, and seien, Maister, we witen, that thou art sothefast, and thou techist in treuthe the weie of God, and thou chargist not of ony man, for thou biholdist not the persoone of men.

Also in the risyng ayen to lijf, whos wijf of the seuene schal sche be? for alle hadden hir.

For in the rysyng ayen to lijf, nether thei schulen wedde, nethir schulen be weddid; but thei ben as the aungels of God in heuene.

Therfor kepe ye, and do ye alle thingis, what euer thingis thei seien to you. But nyle ye do aftir her werkis; for thei seien, and don not.

Therfor thei don alle her werkis `that thei be seen of men; for thei drawen abrood her filateries, and magnifien hemmes.

But nyle ye be clepid maister; for oon is youre maystir, and alle ye ben britheren.

And nyle ye clepe to you a fadir on erthe, for oon is your fadir, that is in heuenes.

Nether be ye clepid maistris, for oon is youre maister, Crist.

For he that hieth himself, schal be mekid; and he that mekith hym silf, schal be enhaunsid.