Study Desk

be Y not schent, for Y inwardli clepide thee. Unpitouse men be aschamed, and be led forth in to helle;

Blessid be the Lord; for he hath maad wondurful his merci to me in a strengthid citee.

Alle ye hooli men of the Lord, loue hym; for the Lord schal seke treuthe, and he schal yelde plenteuousli to hem that doen pride.

For Y was stille, my boonys wexiden elde; while Y criede al dai.

For bi dai and nyyt thin `hond was maad greuouse on me; Y am turned in my wretchednesse, while the thorn is set in.

For this thing ech hooli man schal preye to thee; in couenable tyme. Netheles in the greet flood of many watris; tho schulen not neiye to thee.

For the word of the Lord is riytful; and alle hise werkis ben in feithfulnesse.

For he seide, and thingis weren maad; he comaundide, and thingis weren maad of nouyt.

Oure soule suffreth the Lord; for he is oure helpere and defendere.

For oure herte schal be glad in him; and we schulen haue hope in his hooli name.

Taaste ye, and se, for the Lord is swete; blessid is the man, that hopith in hym.

Alle ye hooli men of the Lord, drede hym; for no nedynesse is to men dredynge hym.

For with out cause thei hidden to me the deth of her snare; in veyn thei dispisiden my soule.

Thei yeldiden to me yuels for goodis; bareynnesse to my soule.

For sotheli thei spaken pesibli to me; and thei spekynge in wrathfulnesse of erthe thouyten giles.

Shame thei, and drede thei togidere; that thanken for myn yuels. Be thei clothid with schame and drede; that speken yuele thingis on me.

For he dide gilefuli in the siyt of God; that his wickidnesse be foundun to hatrede.

For the wel of life is at thee; and in thi liyt we schulen se liyt.

For thei schulen wexe drie swiftli as hey; and thei schulen falle doun soone as the wortis of eerbis.

For thei, that doen wickidli, schulen be distried; but thei that suffren the Lord, schulen enerite the lond.