Study Desk

Thei clepeden not the Lord; thei trembliden there for dreed, where was no drede;

for the Lord is in a riytful generacioun. Thou hast schent the counsel of a pore man; for the Lord is his hope.

The title of the fiuetenthe salm. `Of the meke and symple, the salm of Dauid. Lord, kepe thou me, for Y haue hopid in thee;

Y seide to the Lord, Thou art my God, for thou hast no nede of my goodis.

Coordis felden to me in ful clere thingis; for myn eritage is ful cleer to me.

I purueide euere the Lord in my siyt; for he is on the riythalf to me, that Y be not moued.

For this thing myn herte was glad, and my tunge ioyede fulli; ferthermore and my fleisch schal reste in hope.

For thou schalt not forsake my soule in helle; nether thou schalt yyue thin hooli to se corrupcioun.

That my mouth speke not the werkis of men; for the wordis of thi lippis Y haue kept harde weies.

I criede, for thou, God, herdist me; bowe doun thin eere to me, and here thou my wordis.

The erthe was mouede togidere, and tremblede togidere; the foundementis of hillis weren troblid togidere, and weren moued togidere; for he was wrooth to hem.

And he ledde out me in to breede; he maad me saaf, for he wolde me.

For Y kepte the weies of the Lord; and Y dide not vnfeithfuli fro my God.

For alle hise domes ben in my siyt; and Y puttide not awei fro me hise riytfulnessis.

For thou schalt make saaf a meke puple; and thou schalt make meke the iyen of proude men.

For thou, Lord, liytnest my lanterne; my God, liytne thou my derknessis.

For bi thee Y schal be delyuered fro temptacioun; and in my God Y schal `go ouer the wal.

For whi, who is God out takun the Lord? ethir who is God outakun oure God?

For thou hast bifor come hym in the blessyngis of swetnesse; thou hast set on his heed a coroun of preciouse stoon.

For thou schalt yyue hym in to blessing in to the world of world; thou schalt make hym glad in ioye with thi cheer.