Study Desk

but now thei desiren a betere, that is to seie, heuenli. Therfor God is not confoundid to be clepid the God of hem; for he made redi to hem a citee.

to whom it was seid, For in Ysaac the seed schal be clepid to thee.

For he demyde, that God is myyti to reise hym, yhe, fro deth; wherfor he took hym also in to a parable.

Bi feith Moyses borun, was hid thre monethis of his fadir and modir, for that thei seiyen the yonge child fair; and thei dredden not the maundement of the king.

demynge the repreef of Crist more richessis than the tresours of Egipcians; for he bihelde in to the rewarding.

Bi feith he forsook Egipt, and dredde not the hardynesse of the king; for he abood, as seinge hym that was vnuysible.

And what yit schal Y seie? For tyme schal faile to me tellynge of Gedeon, Barak, Sampson, Jepte, Dauid, and Samuel, and of othere prophetis;

for God purueiede sum betere thing for vs, that thei schulden not be maad perfit with outen vs.

For ye ayenstoden not yit `til to blood, fiytyng ayens synne.

For the Lord chastisith hym that he loueth; he betith euery sone that he resseyueth.

Abide ye stille in chastising; God proferith hym to you as to sones. For what sone is it, whom the fadir chastisith not?

For whiche thing reise ye slowe hondis,

that no man be letchour, ether vnhooli, as Esau, which for o mete seelde hise firste thingis.

For wite ye, that afterward he coueitinge to enherite blessing, was repreued. For he foond not place of penaunce, thouy he souyte it with teeris.

For thei beren not that that was seid, And if a beeste touchide the hil, it was stonyd.

Se ye, that ye forsake not the spekere; for if thei that forsaken him that spak on the erthe, aschapide not, myche more we that turnen awei fro him that spekith to vs fro heuenes.

For oure God is fier that wastith.

for bi this summen plesiden to aungels, that weren resseyued to herborewe.

`Wedding is in alle thingis onourable, and bed vnwemmed; for God schal deme fornicatouris and auouteris.

Be youre maneres withoute coueitise, apaied with present thingis; for he seide, Y schal not leeue thee,