Study Desk

And the Lord seide to hym, Go thou, for this is to me a vessel of chesing, that he bere my name bifore hethene men, and kingis, and tofore the sones of Israel.

For Y schal schewe to hym, how grete thingis it bihoueth hym to suffre for my name.

And anoon he entride in to the synagogis, and prechide the Lord Jhesu, for this is the sone of God.

And alle men that herden hym, wondriden, and seiden, Whether this is not he that impugnede in Jerusalem hem that clepiden to help this name? and hidir he cam for this thing, that he schulde leede hem boundun to the princis of preestis?

And for Lidda was nyy Joppe, the disciplis herden that Petre was thereynne, and senten twei men to hym, and preieden, That thou tarie not to come to vs.

And Petre seide, Lord, forbede, for Y neuer ete ony comun thing and vnclene.

Therfor ryse thou, and go doun, and go with hem, and doute thou no thing, for Y sente hem.

And Petre cam doun to the men, and seide, Lo! Y am, whom ye seken; what is the cause, for which ye ben come?

For which thing Y cam, whanne Y was clepid, with out douting. Therfor Y axe you, for what cause han ye clepid me?

hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

For thei herden hem spekynge in langagis, and magnyfiynge God.

But Y seide, Nay, Lord; for comyn thing ether vnclene entride neuer in to my mouth.

And Y bithouyte on the word of the Lord, as he seide, For Joon baptiside in watir, but ye schulen be baptisid in the Hooli Goost.

for he was a good man, and ful of the Hooli Goost, and of feith. And myche puple was encresid to the Lord.

And alle the disciplis purposiden, after that ech hadde, for to sende in to mynysterie to britheren that dwelliden in Judee.

And Petre was kept in prisoun; but preier was maad of the chirche with out ceessing to God for hym.

And he yede out, and suede hym; and he wiste not that it was soth, that was don bi the aungel; for he gesside hym silf to haue sey a visioun.

And whanne sche knewe the vois of Petre, for ioye sche openyde not the yate, but ran in, and telde, that Petre stood at the yate.

And he was wroth to men of Tyre and of Sidon. And thei of oon acord camen to hym, whanne thei hadden counseilid with Bastus, that was the kingis chaumbirleyn, thei axiden pees, for as myche that her cuntrees weren vitailid of hym.

And in a dai that was ordeyned, Eroude was clothid with kyngis clothing, and sat for domesman, and spak to hem.