Study Desk

Sotheli the preest schal clense, which is anoyntid, and whos hondis ben halewid, that he be set in preesthod for his fadir; and he schal be clothid in a lynnun stoole, and in hooli clothis,

And this schal be to you a lawful thing euerlastynge, that ye preye for the sones of Israel, and for alle the synnes `of hem, onys in the yeer. Therfor he dide, as the Lord comaundide to Moises.

for the lijf of fleisch is in blood, and Y yaf that blood to you, that ye clense on myn auter `for youre soulis, and that the blood be for the synne of soule.

for the lijf of ech fleisch is in blood. Wherfor Y seide to the sones of Israel, Ye schulen not ete the blood of ony fleisch, for the lijf of fleisch is in blood, and who euer etith blood, schal perische.

Thou schalt not vnhile the filthe of the wijf of thi fadir, for it is the filthe of thi fadir.

Thou schalt not schewe the filthe of the douyter of thi sone, ether of neece of thi douyter, for it is thi filthe.

Thou schalt not opene the filthe of the `sister of thi fadir, for sche is the fleisch of thi fadir.

Thou schalt not schewe the filthe of the sistir of thi modir, for sche is the fleisch of thi modir.

Thou schalt not schewe the filthe of thi sones wijf, for sche is the wijf of thi sone, nether thou schalt diskiuere hir schenschip; and no man take his brotheris wijf.

Thou schalt not schewe the filthe of `the wijf of thi brother, for it is the filthe of thi brothir.

Thou schalt not be medlid with a man bi letcherie of womman, for it is abhomynacioun.

Thou schalt not do letcherie with ony beeste, nethir thou schalt be defoulid with it. A womman schal not ligge vnder a beeste, nether schal be medlid therwith, for it is greet synne.

For the dwellers of the lond, that weren bifor you, diden alle these abhomynaciouns, and defouliden that lond.

Speke thou to al the cumpenye of the sones of Israel, and thou schalt seie to hem, Be ye hooli, for Y am hooli, youre Lord God.

for he defoulide the hooli thing of the Lord, and his soule schal perische fro his puple.

Thou schalt not curse a deef man, nether thou schalt sette an hurtyng bifor a blynd man; but thou schalt drede thi Lord God, for Y am the Lord.

If a man slepith with a womman by fleischly knowyng of seed, which womman is an `hand maide, ye, a noble womman of kyn, and netheles is not ayenbouyt bi prijs, nethir rewardid with fredom, bothe schulen be betun, and thei schulen not die, for sche was not fre.

Sotheli the man for his trespas schal offre a ram to the Lord, at the dore of the tabernacle of witnessyng;

and the preest schal preye for hym, and for his trespas, bifor the Lord; and the Lord schal be merciful to hym, and the synne schal be foryouun.

Sette thou not thi douytir to do leccherie for hire, and the lond be defoulid, and be fillid with synne.