Study Desk

Therfor discencioun was maad among the puple for hym.

For summe of hem wolden haue take hym, but no man sette hondis on hym.

Jhesus answerde, and seide to hem, And if Y bere witnessyng of my silf, my witnessyng is trewe; for Y woot fro whennus Y cam, and whidur Y go.

But ye witen not fro whennus Y cam, ne whidur Y go. For ye demen aftir the fleisch, but Y deme no man;

and if Y deme, my doom is trewe, for Y am not aloone, but Y and the fadir that sente me.

Jhesus spak these wordis in the tresorie, techynge in the temple; and no man took hym, for his our cam not yit.

Therfor the Jewis seiden, Whether he schal sle hym silf, for he seith, Whidur Y go, ye moun not come?

Therfor Y seide to you, that ye schulen die in youre synnes; for if ye bileuen not that Y am, ye schulen die in youre synne.

And he that sente me is with me, and lefte me not aloone; for Y do euermore tho thingis, that ben plesynge to hym.

Y woot that ye ben Abrahams sones, but ye seken to sle me, for my word takith not in you.

But Jhesus seith to hem, If God were youre fadir, sotheli ye schulden loue me; for Y passide forth of God, and cam; for nether Y cam of my silf, but he sente me.

Whi knowen ye not my speche? for ye moun not here my word.

Ye ben of the fadir, the deuel, and ye wolen do the desyris of youre fadir. He was a mansleere fro the bigynnyng, and he stood not in treuthe; for treuthe is not in hym. Whanne he spekith lesyng, he spekith of his owne; for he is a liere, and fadir of it.

But for Y seie treuthe, ye bileuen not to me.

He that is of God, herith the wordis of God; therfor ye heren not, for ye ben not of God.

For Y seke not my glorye; there is he, that sekith, and demeth.

And so neiyboris, and thei that hadden seyn him bifor, for he was a beggere, seiden, Whether this is not he, that sat, and beggide?

His fader and modir seiden these thingis, for thei dredden the Jewis; for thanne the Jewis hadden conspirid, that if ony man knoulechide hym Crist, he schulde be don out of the synagoge.

Thilke man answeride, and seide to hem, For in this is a wondurful thing, that ye witen not, of whennus he is, and he hath openyd myn iyen.

And whanne he hath don out his owne scheep, he goith bifor hem, and the scheep suen hym; for thei knowun his vois.