Study Desk

For the fadir loueth the sone, and schewith to hym alle thingis that he doith; and he schal schewe to hym grettere werkis than these, that ye wondren.

For as the fadir reisith deed men, and quykeneth, so the sone quykeneth whom he wole.

For nethir the fadir iugith ony man, but hath youun ech doom to the sone,

Treuli, treuli Y seie to you, for the our cometh, and now it is, whanne deed men schulen here the vois of `Goddis sone, and thei that heren, schulen lyue.

For as the fadir hath lijf in hym silf, so he yaf to the sone, to haue lijf in him silf;

and he yaf to hym power to make doom, for he is mannys sone.

Nyle ye wondre this, for the our cometh, in which alle men that ben in birielis, schulen here the voice of Goddis sone.

Y may no thing do of my silf, but as Y here, Y deme, and my doom is iust, for Y seke not my wille, but the wille of the fadir that sente me.

But Y haue more witnessyng than Joon, for the werkis that my fadir yaf to me to perfourme hem, thilke werkis that Y do beren witnessyng of me, that the fadir sente me.

And ye han not his word dwellynge in you; for ye byleuen not to hym, whom he sente.

For if ye bileueden to Moises, perauenture ye schulden bileue also to me; for he wroot of me.

And a greet multitude suede hym; for thei sayn the tokenes, that he dide on hem that weren sijke.

But he seide this thing, temptynge hym; for he wiste what he was to do.

Therfor tho men, whanne thei hadden seyn the signe that he hadde don, seiden, For this is verili the profete, that is to come in to the world.

And for a greet wynde blew, the see roos vp.

Jhesus answerde to hem, and seide, Treuli, treuli, Y seie to you, ye seken me, not for ye sayn the myraclis, but for ye eten of looues, and weren fillid.

Worche ye not mete that perischith, but that dwellith in to euerlastynge lijf, which mete mannys sone schal yyue to you; for God the fadir hath markid hym.

for it is very breed that cometh doun fro heuene, and yyueth lijf to the world.

For Y cam doun fro heuene, not that Y do my wille, but the wille of hym that sente me.

Therfor Jewis grutchiden of hym, for he hadde seid, Y am breed that cam doun fro heuene.