Study Desk

and seide `to hem, These ben the wordis that Y spak to you, whanne Y was yit with you; for it is nede that alle thingis ben fulfillid, that ben writun in the lawe of Moises, and in prophetis, and in salmes, of me.

And he seide to hem, For thus it is writun, and thus it bihofte Crist to suffre, and ryse ayen fro deeth in the thridde dai;

Joon berith witnessyng of hym, and crieth, and seith, This is, whom Y seide, He that schal come aftir me, is maad bifore me, for he was tofor me;

and of the plente of hym we alle han takun, and grace for grace.

For the lawe was youun bi Moises; but grace and treuthe `is maad bi Jhesu Crist.

He knoulechide, and denyede not, and he knoulechide, For Y am not Crist.

This is he, that Y seide of, Aftir me is comun a man, which was maad bifor me; for he was rather than Y.

Jhesus answerde, and seide to hym, For Y seide to thee, Y sawy thee vndur the fige tre, thou bileuest; thou schalt se more than these thingis.

And hise disciplis hadden mynde, for it was writun, The feruent loue of thin hous hath etun me.

But Jhesus trowide not hym silf to hem, for he knewe alle men;

and for it was not nede to hym, that ony man schulde bere witnessyng, for he wiste, what was in man.

And he cam to Jhesu bi niyt, and seide to hym, Rabi, we witen, that thou art comun fro God maister; for no man may do these signes, that thou doist, but God be with hym.

Wondre thou not, for Y seide to thee, It bihoueth you to be borun ayen.

Treuli, treuli, Y seie to thee, for we speken that that we witen, and we witnessen that that we han seyn, and ye taken not oure witnessyng.

For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.

For God sente not his sone in to the world, that he iuge the world, but that the world be saued bi him.

He that bileueth in hym, is not demed; but he that bileueth not, is now demed, for he bileueth not in the name of the `oon bigetun sone of God.

And this is the dom, for liyt cam in to the world, and men loueden more derknessis than liyt; for her werkes weren yuele.

For ech man that doith yuele, hatith the liyt; and he cometh not to the liyt, that hise werkis be not repreued.

And Joon was baptisinge in Ennon, bisidis Salym, for many watris weren there; and thei camen, and weren baptisid.