Study Desk

Therfor nyle ye be bisy in to the morew, for the morew shal be bisi to `hym silf; for it suffisith to the dai his owen malice.

Nile ye deme, `that ye be not demed; for in what doom ye demen,

For ech that axith, takith; and he that sekith, fyndith; and it schal be openyd to hym, that knockith.

Therfor alle thingis, what euere thingis ye wolen that men do to you, do ye to hem, for this is the lawe and the prophetis.

Entre ye bi the streyt yate; for the yate that ledith to perdicioun is large, and the weie is broode, and there ben many that entren bi it.

And reyn felde doun, and flodis camen, and wyndis blewen, and russchiden `in to that hous; and it felde not doun, for it was foundun on a stoon.

for he tauyte hem, as he that hadde power, and not as the scribis `of hem, and the Farisees.

For whi Y am a man ordeyned vndur power, and haue knyytis vndir me; and Y seie to this, Go, and he goith; and to another, Come, and he cometh; and to my seruaunt, Do this, and he doith it.

And men wondriden, and seiden, What maner man is he this, for the wyndis and the see obeischen to him?

But go ye, and lerne what it is, Y wole merci, and not sacrifice; for I cam, not to clepe riytful men, but synful men.

And no man putteth a clout of buystous clothe in to an elde clothing; for it doith awey the fulnesse of the cloth, and a wers breking is maad.

For sche seide with ynne hir self, Yif Y touche oonli the cloth of hym, Y schal be saaf.

he seide, Go ye a wei, for the damysel is not deed, but slepith. And thei scornyden hym.

And he siy the puple, and hadde reuthe on hem; for thei weren trauelid, and liggynge as scheep not hauynge a scheepherde.

nether twei cootis, nethir shoon, nether a yerde; for a werkman is worthi his mete.

But be ye war of men, for thei schulen take you in counseilis, and thei schulen bete you in her synagogis;

and to meyris, or presidentis, and to kyngis, ye schulen be lad for me, in witnessyng to hem, and to the hethen men.

But whanne thei take you, nyle ye thenke, hou or what thing ye schulen speke, for it shal be youun `to you in that our, what ye schulen speke;

for it ben not ye that speken, but the spirit of youre fadir, that spekith in you.

And ye schulen be in hate to alle men for my name; but he that shall dwelle stille in to the ende, shal be saaf.