Study Desk

His fleisch schal faile for rot, and hise boonys, that weren hilid, schulen be maad nakid.

If an aungel, oon of a thousynde, is spekynge for hym, that he telle the equyte of man, God schal haue mercy on hym,

For he delyueride his soule, that it schulde not go in to perischyng, but that he lyuynge schulde se liyt.

Sotheli if thou hast what thou schalt speke, answere thou to me, speke thou; for Y wole, that thou appere iust.

Wise men, here ye my wordis, and lerned men, herkne ye me; for the eere preueth wordis,

For Job seide, Y am iust, and God hath distried my doom.

For whi lesynge is in demynge me, and myn arowe is violent with out ony synne.

For he seide, A man schal not plese God, yhe, thouy he renneth with God.

For he schal yelde the werk of man to hym; and bi the weies of ech man he schal restore to hym.

For verili God schal not condempne with out cause; nether Almyyti God schal distrie doom.

`Which takith not the persoones of princes, nether knew a tyraunt, whanne he stryuede ayens a pore man; for alle men ben the werk of hise hondis.

For the iyen of God ben on the weies of men, and biholdith alle goyngis of hem.

for it is `no more in the power of man, that he come to God in to doom.

God schal al to-breke many men and vnnoumbrable; and schal make othere men to stonde for hem.

For he knowith the werkis of hem; therfor he schal brynge yn niyt, and thei schulen be al to-brokun.

For whanne he grauntith pees, who is that condempneth? Sithen he hidith his cheer, who is that seeth hym? And on folkis and on alle men `he hath power `to do siche thingis.

Which makith `a man ypocrite to regne, for the synnes of the puple.

Therfor for Y haue spoke to God, also Y schal not forbede thee.

Whether God axith that wickidnesse of thee, for it displeside thee? For thou hast bigunne to speke, and not Y; that if thou knowist ony thing betere, speke thou.

For thou seidist, That, that is good, plesith not thee; ethir what profitith it to thee, if Y do synne?